Sugdan na sa dili madugay ang proseso nga tinguha sa kamarabaha nga pagpalagot sa katungdanan ni Vice Pres Sara Duterte.
Subay sa impormasyon,anaa na sa halos 200 ka kongresista ang nagpirma sa dokumento nga nagtumong pagtaral kang Sara aron paphaon sa katungdanan kon makaabot na sa senado.
Dumduman nga anaa sa tulo ka impeachment complaints ang gipasaka sa lain-lain nga grupo sa kamarabaha gamit ang isyu sa giingon dili ensakto nga paggasto sa confidential funds sa Office of the Vice President ug Department of Education ni VP Sara.
Namahayag usab si House Secretary General Reginald Velasco nga mohatag sila sa pormal nga pahayag kabahin niini takdo alas 3:00 karong hapon.
Migamit sa ikatulo nga opsyon ang kamarabaha sa impeachment batok Sara diin wala na giagi sa formal investigation gamit ang justice committee aron diretso nang masaka sa senado alang sa trial proper.
Una nang nagbahad ang mga progresibong pundok nga ralihan nila ang kamarabaha kon pabiling walay aksyon nga buhaton batok kang VP Sara.
Sa pagkutlo ning balita, wala pa’y gilugwa nga impormasyon o reaksyon ang kampo ni Sara.
Nasayran nga ang ikaupat nga impeachment complaint maoy naghupot sa daghang pag-uyon diin unang nadungog nga mismo ang mga kongresista sa kamarabaha ang nagsilbing complainants niini.
