CAGAYAN DE ORO CITY, Philippines – Husayon sa senado ang upat ka impeachment complaints nga gisang-at batok Bise Presidente Sara Duterte. Kagahapon, misumada sa 215 ka mga magbabalaod nga gipanguluhan ni House – Senior Deputy Majority Leader, Ilocos Norte 1st District Congressman Ferdinand Alexander “Sandro” Araneta Marcos III, ang pagpirma sa ruling nga ipalagpot si Duterte sa iyang posisyon.
Gumikan niini, gitahasan sa kamarabaha si House of Representatives – Secretary General – Reginald Velasco nga ipasa ang reklamo sa impeachment ngadto sa Senado human makab-ot ang kapin 1/3 votes nga gikihanglan aron mu-aginod ang pagdungod.
Ilawom sa konstitusyon, bugtong ang Senado lamang ang adunay gahum sa paghusay ug paghukom sa tanan nga mga kaso sa impeachment, kung asa ilang huptan ang tahas isip huwes ug ang Chief Justice sa Korte Suprema ang mag-preside sa hearing.
Magsilbing prosecutor sa pagdungog sila Rep. Gerville “JinkyBitrics” Luistro (Batangas, 2nd District); Rep. Romeo Acop (Antipolo, 2nd District); Rep. Ramon Rodrigo Gutierrez (1-Rider Partylist); Rep. Joel Chua (Manila, 3rd District); Rep. Rau Angelo “Jil” Bongalon (AKO Bicol); Rep. Loreto Acharon (General Santos, Lone District); Rep. Marcelino Libanan (4Ps Party-list); Rep. Arnan Panaligan (Oriental Mindoro, 1st District); Rep. Ysabel Maria Zamora (San Juan, Lone District); Rep. Lorenz Defensor (Iloilo, 3rd District); ug ang nag-inusarang Mindanaoan Prosecutor – Rep. Jonathan Keith Flores (Bukidnon, 2nd District).
Subay sa kasaysayan sa Pilipinas, si Duterte pa ang labing unang bise presidente ang ipa-ubos sa impeachment trial.
