Gikasuha’g kriminal sa mga pulis si Vice Pres Sara Duterte ug ang iyang hepe sa Security and Protection Group nga si Col Raymund Lachica sa prosecutors office sa Quezon City ning adlawa.
Kini epekto sa pasangil nga adunay pisikal nga komprontasyon tali kang VP Sara ug sa grupo ni Quezon City Police District Medical and Dental Unit head Lt Col Jason Villamor sa miaging Nobyembre 23 sa buntag.
Nagsumikad ang pasangil nga kasupakan ni Sara sa Revised Penal Code kay nahimo daw niini ang direct assault,disobedience to authority ug grave coercions kay gipugngan ang usab-usab nga hukom sa kamarabaha kon asa nga ospital angay madala si Office of the Vice President chief of staff Atty Zulieka Lopez kay naglain ang ginhawa.
Nagkatinubagay ang duha ka kampo tungod sa cite in contempt issue nga gipahamtang sa kamarabaha batok Lopez.
Sa pagkutlo ning balita, wala pa’y reaksyon ang bise-presidente kabahin sa gihimong lakang sa Philippine National Police o PNP.
