Gibutyag ni Bise Presidente Sara Duterte nga upat na ka indibidwal ang miduol kaniya aron makasulod sa iyang senatorial lineup sa umaabot nga eleksyon.
Apan, gipili sa Bise Presidente nga dili pa ipahibalo kung kinsa ang mahimong kauban niya sa 2028 national elections, bisan pa nga aduna na siyang naka-istorya sa miaging tuig.
Gipamugos niya nga hulaton lang sa una ang tubag sa iyang gipaabot nga running mate aron malikayan ang mga political attacks batok sa ilang posibleng tandem.
Samtang, wala pa usab siya naghatag sa klarong kwalipikasyon alang sa mga kandidato nga mahimong kabahin sa iyang senatorial slate.
