CAGAYAN DE ORO CITY, Philippines – Gipamugos ni Vice Presidente Sara Duterte nga wala siya nagpaka-buta-bungol sa pag-ipit kaniya sa Administrasyong Marcos.
Gani, usa sa iyang pinaka-isog nga nasulti kang Senador Imee Marcos, pinaagi sa group chat, mao ang pagbahad nga kaluton niya ang bukog sa ilang amahan sa Libingan ng mga Bayani ug ilabog sa West Philippine Sea.
Gihimo ni VP Duterte ang nasampit nga pamahayag aron badlungon ang igsoon ni Senador Marcos kuyog sa iyang mga kaalyado sa walay hunong nga paglaglag kaniya sa posisyon ilabe na nga tarong ug dili babag sa administrasyon ang misyon sa OVP.
Gipamatud-an sa bise presidente nga daghan ang nakabasa sa iyang chat, sa group chat, kung asa niya gipost ang nasampit nga bahad, ug wala maka-react ang presidential sister.
