CAGAYAN DE ORO CITY – Ipinapalutang ng mga Duterte na ibang miyembro ng pamilya ang sasabak sa pang-panguluhan na posisyon laban sa pambato ng administrasyon sa 2028 presidential elections sa bansa.
Kasunod ito sa maagang pahayag ni Vice Pres. Sara Duterte nga hindi umano siya ang tatakbo pagka-presidente bagkus ay si Davao City Mayor Sebastian ‘Baste’ Duterte.
Sinabi ng bise-presidente na ito umano ang tagubilin ng kanilang ina kung walang pagbabago sa mga desisyon nila na sasabak ang mga Duterte sa national position sa pagtatapos ng termino ni Pres Bongbong Marcos.
Una nang inihayag ni VP Sara na pawang tatakbo pagka-senador sina dating Pangulong Rodrigo Duterte,Davao City 1st District Congressman Paolo ‘Pulong’ Duterte at Davao City Mayor Sebastian ‘Baste’ Duterte sa 2025 elections ng bansa.
