Mibuto na sa kasuko si Vice Pres Sara Duterte batok sa gihimong pagpang-ipit sa administrasyon ni Pres Bongbong Marcos gamit ang kamarabaha.
Kini human gi-cite in contempt sa kamarabaha ang iyang chief of staff nga si Atty Zulieka Lopez ug gilbahin sa women custodial center kay nagdumili paghatag tubag nga gusto makuha sa mga kongresista nga nag-imbestigar sa Office of the Vice President sa miaging adlaw.
Puntarya sa iyang kasuko si First Lady Liza Marcos diin adunay kontrobersyal nga expose kabahin sa pagpagawas sa pondo office of the Vice President padulong sa Department of Education o DepEd kay gihatag sa gi-endorsar nga tawo sa Malakanyang.
Kini ang rason nga angay nang ihunong ang pag-drama sa kamarabaha gamit ang isyu sa OVP fund spending.
Siya miingon nga grabe ang pagguba sa kamarabaha ug mga alyado sa Malakanyang kaniya apan bisan walay posisyon sa gobierno ang first lady pero nakapalugwa’g pondo padulong sa laing opisina.
Hisayrang sa mga gihimong imbestigasyon sa senado ug kamarabaha batok OVP ug DepEd, nasabtan sa katawhan nga pagguba sa mga Duterte ang pinakabug-at nga tuyo niini aron maglisod na sa 2028 presidential elections.
