Pormal nang misang-at sa kasong perjury si Vice President Sara Duterte batok kang Ramil Madriaga sa Taguig City Prosecutor’s Office.
Si Madriaga, kinsa giila nga kanhi aide ni Duterte, nag-angkon nga siya kuno mao ang “bagman” ug nagpresentar sa affidavit nga naglakip sa mga alegasyon batok sa Bise Presidente.
Ang maong affidavit gigamit usab isip bahin sa mga impeachment complaints nga gisang-at batok kang Duterte.
Kauban sa bise presidente sa pagsumiter sa reklamo ang iyang legal counsel nga si Atty. Paolo Panelo Jr., ug kini nagpamatuod nga sila nagpasakag reklamo.
Una niini, nagdumili sa paghatag komento si VP Sara, sa iyang gihimong aksyon, aron malikayan nga gamiton ang iyang pahayag sa iyang mga kontra sa politika.
