CEBU CITY – Wala pakyasa ug gitungahan na ni outgoing Department of Education o DepEd Secretary Vice Sara Duterte ang closing ceremony sa 2024 Palarong Pambansa sa Cebu City kagahapong adlawa.
Kini human unang miani’g reaksyon ang wala pagpakita ni Inday Sara apan si Pres Bongbong Marcos lang ang nag-bukas sa tinuig nga national games sa DepEd sa maong syudad sa miaging semana.
Nagpasalamat si VP Sara sa DepEd regional offices nga apektadong milambigit sa palaro ug ang pag-abag usab sa local government units aron suportahan ang mga delegasyon.
Mubo lang ang mensahe sa bise-presidente nga mi-sentro sa dugang pagpalambo sa mga talento sa kabataan sa natad sa sports.
Samtang sama sa gilauman,pabiling overall champion ang mga atleta sa National Capital Region ning tuiga sa Palarong Pambansa nga naghupot sa 238 medals nga gilakipan sa 98 golds, 66 silvers ug 74 bronze.
Sa pagtapos usab sa kalihukan,gi-anunsyo sa DepEd nga sunod mag-host sa national games ang Ilocos Norte sa tuig 2025 ug Agusan del Sur sa 2026.
