Nagduha duha pa si kanhi Presidente Rodrigo Duterte kung ipatina ba niya ang iyang puti nga buhok ug bangas.
Tipik lamang kini sa gihatag nga update ni Vice President Sara Duterte samtang miduaw sa prisohan sa iyang amahan sa International Criminal Court (ICC) sa The Hague Netherlands.
Namahayag ang bise presidente nga naghangyo na ang ilang legal counsel nga siya paalutan, ug paputlan ang kuko sa iyang kamot.
Hinoon, gitin-aw sa anak ni Duterte nga glowing ang iyang amahan taliwala nga nagnipis ang lawas niini gumikan sa pagkatamili sa pagkaon.
Mahinumduman nga gibutyag ni VP Sara nga adunay mga higayon nga wala na mikaon sa rasyon sa presohan ang iyang amahan kay balik balik ang putahe.
Sa pagkutlo ning balita, wala pa’y opisyal nga health bulletin ni Duterte nga gipagawas sa ICC.
