Kulaton ni Vice Pres Sara Duterte ang mga bukog ni kanhi Pres Ferdinand Marcos Sr sa Libingan ng mga Bayani ug ilabay sa West Philippine Sea.
Kini daw ang iyang gisulti ni Sara kang Senadora Imee Marcos kon dili mohunong ang ilang pamilya pagpanghilabot kaniya isip bise-president sa nasud.
Miingon si VP Sara nga paghuman niya’g sulit kang Imee niini,wala siya makadumdom nga mihatag kini’g tubag kabahi sa iyang nasulti.
Apan gibutyag usab ni Inday Sara nga ilado ang senadora nga prangka nga pagkatawo pag-abot sa mga isyu nga nag-sentro sa ilang pamilya.
Dumduman sa tanang mga nangagi nga presidente sukad namatay si Marcos Sr, kang kanhi Pres Rodrigo Duterte lang nahataga’g katumanan ang tinguha sa pamilya nga malubong kini sa lubngangan sa mga bayani sa nasud.
Samtang wala pa’y tubag niini ang mga Marcos o mga alyado nila sa politika.
Hisayrang human nabuak ang Unity Team, wala na’y hunong ang pag-ipit sa Malakanyang kang Sara gamit ang mga alyado niini sa kamarabaha ug senado.
