Dili mahitabo nga motambong ug tubagon ni Vice Pres Sara Duterte ang mga magbabalaod nga nag-imbestigar batok sa iyang pagdumala sa Office of the Vice President o OVP ug Department of Education o DepEd nga kanhi niya gipanguluhan sa miaging katuigan.
Kini ang pahayag ni Duterte kabahin sa hagit ni House Speaker Martin Romualdez nga motunga na sa mga pagdungog ug dili pasagdan ang Office of the Vice President o OVP staff workers nga manubag sa mga magbabalaod nga mag-imbestigar sa galastuhan sa iyang buhatan.
Siya miingon nungka nga ma-atubang kini kay ultimo si Romualdez ang walay kredibilidad nga adunay utang nga 9 milyones pesos sa iyang kapikas nga si Atty Mans Carpio nga wala pa mabayri.
Dili usab mahitabo nga motubag kini sa mga pangutana ni ACT partylist Rep. France Castro nga konbiktado sa kasong child abuse sa Davao City.
Una nang napugos si Duterte pagsulod sa kuwarto ni OVP chief of staff Atty Zulieka Lopez nga gibilanggo sa kamarabaha aron ipaabot ang moral nga suporta niini.
Gi-contempt ni Castro si Lopez kay alang kanila,wala kini magtug-an sa tinood kabahin sa OVP fund expeses.
Sa panahon ni Romualdez lang nahitabo nga gisupak nila ang constitutional protection sa Commission on Audit nga dili malugwa ang mga dokumento kabahin kon giunsa’g gasto ug kinsa gigastuhan sa intelligence ug confindential funds sa buhatan sa OVP.
Hisayrang namugos si Castro kaniadto nga interes daw estado ang katuyuan sa pagpiga nila sa COA apan tin-aw sa katawhan nga pagguba sa mga Duterte ang pinakatuyo nila sa mga imbestigasyon sa bise-presidente ug mismo ni kanhi Pres Rodrigo Duterte.
