CAGAYAN DE ORO CITY – Gisaway ni Vice Pres Sara Duterte ang walay kaikog nga ‘vote buying scheme’ nga hinimuan sa kasamatangang administrasyon gamit ang social services gikan pipila ka hingtungdang ahensiya sa kagamhanan.
Kini human sekreto nga miduaw si VP Sara sa haya sa usa ka sundalo nga taga-lungsod sa Aloran,Misamis Occidental kagahapong adlawa.
Miingon si VP Sara nga dili angay mahimong utangan ang katawhan nga midawat sa maong pondo kay programa kini sa kagamhanan ug dili sa mga politiko.
Patikular nga gitumbok ni Inday Sara ang mga programang Assistance to Individuals in Crisis Situation o AICS,Tulong Panghanapbuhay sa Ating Disadvantaged Workers o TUPAD ug Ayuda sa Kapos Ang Kita Program o AKAP nga kabahin sa mga programang gipatuman sa Department of Social Welfare and Development o DSWD.
Hinoon,wala basula sa bise-presidente ang maong ahensiya nga nasangunan lang sa pagpatuman sa maong mga programa ngadto sa katawhan.
Hisayrang nahimong kontrobersyal ang AKAP kay gisupak kini sa daghang mga senador apan pag-abot sa bicameral conference committee, nakalusot ang P26-B funds alang niini kay nagpasalig ang kamara nga adunay 5 bilyones nga makuha ang senado ning tuiga.
