Puno sa emosyon ang gipagawas nga mensahe ni Vice President Sara Duterte sa pagtambong sa Miting de Avance sa PDP Laban Senatorial Slate sa Liwasang Bonifacio, Metro Manila.
Sa iyang pag-atubang sa libuang supporters sa banda sa iyang amahan, nga si kanhi Presidente Rodrigo Duterte, gi-usa-usa sa bise presidente kung unsa ug kinsa ang mga rason sa padayong paghagba sa ekonomiya sa nasud ug pag-ubos sa kalidad sa serbisyo nga gitunol sa nag-unang ahensya sa gobyerno.
Subli, gitawag ni VP Sara nga “weak leader” si Presidente Ferdinand Marcos Jr kay wala kini kaugalingong disesyon sa pagdumala sa nasud, apan nagsalig lamang sa mga tawong nakapalibot kaniya.
