MANILA – Topnotcher si Vice President Sara Duterte sa may pinakataas nga grado sa gobyerno kung hisgutan ang resulta sa approval ug trust ratings sa Pulse Asia Survey.
Mihawid ang bise presidente sa 71% approval rating ug laing 71% sa iyang trust rating alang sa bulan sa Hunyo.
Mas taas kini sa 3% kon 69% trust rating sa bulan sa Marso, ug laing 4% kon 67% approval Rating sa susamang bulan.
Gihimo ang survey niadtong Hunyo 17 paingon sa 24.
Mao kini ang semana nga nag-resign si VP Duterte sa iyang pagkakalihim sa Department of Education ug sa gabinete ni Presidente Bongbong Marcos.
Sa pikas bahin, gikompirmar sa bise nga anaa siya sa Metro Manila sa adlaw nga himoon ni Pres Marcos ang iyang ikatulong State of the Nation Address (SONA).
Misaysay ang bise nga igo ra siya magmonitor ug dili mutambong sulod sa Batasang Pambansa Complex.
Dumduman nga sa miaging semana gideklarar ni VP Sara nga siya ang “designated survivor” sa gabinete ni Marcos.(Bombo Anne Quileste).
