MANILA – Nag-solo flight nga mitambong sa budget hearing alang sa iyang buhatan si Vice Pres Sara Duterte ubos sa House appropriations committee nga gipanguluhan ni Marikina City Congresswoman Stella Quimbo.
Kini human gilayong gi-kuwestiyon ni ACT partylist Rep.France Castro si VP Sara kon giunsa paggasto ang 125 milyones pesos nga intelligence funds nga nadawat niini gikan Pres Bongbong Marcos sa tuig 2022.
Apan wala tubaga ni VP Sara ug hinoon gisumbalikan niya’g kuwestiyon kon nganong gitugtan sa kamarabaha nga padayong maglingkod sa puwesto si Castro nga konbiktado sa kasong child abuse.
Apan gilayong midupa si Kabataan partylist Rep.Raoul Manuel alang kang Castro ug namugos nga misimang si VP Sara sa pinaka-sentrong isyu.
Gilayong mi-referee si Quimbo ug gimanduan ang iyang mga kauban nga mo-sentro sa OVP budget hearing ug si VP Sara nga tubagon ang ilang mga pangutana.
Apan mi-rescue usab si kanhi presidente ug Pampanga Congresswoman Gloria Arroyo kang Duterte ug gipadumduman ang komitiba nga dili na angay balikon ang intel fund issue kay dugay na kining nahisgutan sa kamarabaha.
