CAGAYAN DE ORO CITY – Dili angay ikadismaya ug ikasakit ni Vice Pres. Sara Duterte nga gibawian siya’g 75 ka pulis nga naghatag kaniya sa dugang hugot nga seguridad.
Kini human unang gipamugos ni PNP chief General Rommel Marbil nga angayang kuhaon una nila ang naka-detail nga mga pulis kang VP Sara kay gamiton sa pagpalig-on pa sa kampanya kontra kreminalidad didto sa National Capital Region.
Miingon si Atty. Antonio Soriano,convenor sa Citizens Watch for Good Governance 10 nga dili bag-o apan dugay nang naglihok ang maong palisya nga walay kanunay nga assignment ang mga pulis kay mag-agad sila sa kamanduan sa ilang kadagkuan sa PNP.
Hinoo,katingad-an ang tayming pagkuha apan dili na angay makurat niini si Sara kay nasayod kini sa balaod kabahin niini.
Amitadod usab si Soriano nga dunay bulok sa politika ang lakang sa PNP.
Kini tungod kay dili matago kon unsa ang kasamtangang relasyong-politika ug trabaho ni VP Sara ug Pres Bongbong Marcos ilabina sa mga tawo nga nagpalibot kanila.
Hisayrang naglugwa usab sa sulat-publiko si Sara ngadto kang Marbil diin gikontra niini ang dayag nga pagpangamakak sa PNP sukad mi-distansiya gikan sa kasamtangangang administrasyon.
