Wala una mikomentaryo si Vice President Sara Duterte sa impeachment complaint nga gipasaka kang Presidente Ferdinand “Bongbong” Marcos Jr. Miingon si VP nga dili siya interisado sa maong complaint apan, maoy iyang gipangandaman ang subling pagbuhi sa kasong impeachment, nga gihimong “fund raising” sa mayorya sa mga magbabalaod sa kamarabaha. Hinoon, masaligo si VP Sara nga mabasura ra gihapon ang reklamo tungod kay napamatud-an na sa makadaghang higayon nga compliant ang Office of the Vice President sa COA-Report ug kanunay nakadawat sa taas grado sa COA-Audit. Una niini, gisang-at sa nagpa-ila nga si Andre de Jesus, ang impeachment complaint batok Marcos ug mipasangil nga adunay kalapasan ang presidente sa graft and corruption, culpable violation of the Constitution, ug betrayal of public trust. Usa sa lig-ong ebidensya niini ang “kakulang sa abilidad sa pagserbisyo” tungod sa iyang pagka-adik sa droga, nga giingon nga gisuportahan sa miaging pahayag sa iyang igsoon nga si Senador Imee Marcos. Sila House Deputy Minority Leader ug Pusong Pinoy Party List Rep. Jett Nisay mi-endorso sa maong impeachment complaint sa hawanan sa milabay’ng adlaw.
