Ipadayon ni Vice President Sara Duterte ang misyon ug obligasyon sa katawhan, ubos sa Office of the Vice President.
Tubag kini sa bise presidente dihang nasiplatan sa media nga mitabang sa tradisyonal nga gift giving day, sa mismong adlaw sa pasko sa pamilya Duterte sa Davao City.
Misugilon si VP Sara nga wala siya matinag sa managlahing klase sa pag-ipit sa iyang imahen.
Gawas niini, gikompirmar ni Inday Sara ang report nga gihikay na sa iyang amahan nga si kanhi Presidente Rodrigo Duterte ang mga papeles aron kini magsilbing usa sa iyang abogado sa atubangon nga impeachment trail nga agrisibong giremondar sa Quadrupole Committee sa Kamarabaha.
Una niini, sa wala pa ang gift giving, wala magpaulahi si VP Sara sa pagpa-ambit sa iyang paskuhanong mensahe.
Siya, kuyog ang iyang pamilya ug sa tanan staff sa OVP ang mipalanog sa mensahe sa pagpasaylo, pagka-manggihatagon, ug gugma. Iyang gihangyo sa tanan kaliwatang Pinoy nga ipasiugda ang panaghigalaay ning panahona.
Nagpadumdum si VP Sara nga wala sa regalo o materyal nga mga butang ang sukdanan sa kalipay apan, anaa kini sa paghatag sa pagsabot, pagtahud ug paghigugmaay sa matag usa.
Kahinunduman nga sa miaging mga mensahe sa bise presidente, iyang gitug-an nga dili pa siya andam mupasaylo sa mga tawong midagmal sa iyang politikanhong imahen taliwala nga padayon niyang gi-awhag ang iyang mga supporters nga magpinasayluanay. (Bombo Anne Quileste).
