Gikonsidera ni Vice Pres Sara Duterte nga kadaugan alang kang House Speaker Martin Romualdez ang gitahas niini sa iyang pipila ka komitiba sa kamarabaha nga imbestigaran ang paggamit sa pondo sa Office of the President sa miaging katuigan.
Kini human nahimong init nga hisgutanan ang pag-cite in contempt sa OVP chief of staff nga si Atty Zulieka Lopez kay pakyas makakuha’g paborable nga tubag ang komitiba nga nag-imbestigar sa maong isyu.
Miingon si VP Sara nga mihatag na’g abiso si Lopez nga humanon na lang niini ang pagdungog sa kamarabaha ug mo-resign na kini sa OVP aron mapaul sa Davao City ug ikauban na ang iyang inahan.
Una niini,na-trauma si Lopez dihang gidad-an sa mando nga ibalhin sa Women’s Correctional Facility sa Bureau of Correction sa Mandaluyong City kay aron mapugos pagsulti sa mga impormasyon nga gusto makuha sa komitiba.
Nadala kini sa duha ka ospital aron mahatagan sa dinaliang pagtagad diin nag-resulta usab sa tensyon tali VP Sara ug sa pipila ka pulis.
Pipila ka oras gikan sa pagkasulod sa Saint Luke’s Medical Center, nagmando na usab ang kamarabaha nga ibalik si Lopez Veterans Memorial Medical Center diin naghangyo kini nga dili biyaan ni Sara.
