CAGAYAN DE ORO CITY – Adunay nakitang bikil o gray area si former Intergrated Bar of the Philippines o IBP-Misamis Oriental chapter president Atty. Eddie Cuaresma sa gipasakang mga kasong criminal sa National Bureau of Investigation o NBI batok kang Vice Pres Sara Duterte.
Nagsumikad ang kasong grave threats nga giatubang ni VP Sara sa iyang bahad nga ipapatay ang magtiayong Pres Bongbong Marcos ug First Lady Lady Araneta ingon man Speaker Martin Romualdez kon siya mamatay gumikan kanila.
Miingon si Cuaresma nga adunay duha ka hitsura ang maong kaso nga angayang mahatagan sa ensaktong pag-resolbar sa piskalya isyu sa legalidad batok sa bahad ni Inday Sara.
Alang kang Cuaresma nga adunay punto si VP Sara sa pag-ingon nga ‘conditional’ ang maong pahayag nga giuyunan usab sa uban pang law experts sa nasud.
