CAGAYAN DE ORO CITY – Walay angay sugdan nga pagdungog ang senator-judges sa Senado nga nagsilbing impeachment court kabahin sa giatubang nga articles of impeachment ni Vice President Sara Duterte.
Kini human hukmi sa mga mahistrado sa Korte Suprema ang petitions nga gisang-at sa legal team ni VP Sara nga angayang mabasura ang impeachment nga gipasaka sa kamarabaha tungod sa wala pagsunod sa konstitusyon.
Mismo si Supreme Court spokesperson Atty Camille Ting ang mipalanog sa hukom sa mga mahistrado nga dakong kasupakan sa konstitusyon ang nasang-at nga ika-upat impeachment complaint batok sa bise-presidente.
Kini tungod kay nasupak niini ang one year bar rule.
Nagpasabot nga angayang giaksyonan sa kamarabaha ang unang tulo ka impeachment complaints nga Disyembre 2024 pa naduso apan mas gipili sa mga magbabalaod nga ang ikaupat ang ilang isaka sa senado ning tuiga lamang.
Kini ang rason nga misulti si Ting nga walay angay aksyonan ang mga senador kay ‘unconstitutional’ ang pagkaduso sa kamarabaha sa impeachment case batok VP Sara.
