CAGAYAN DE ORO CITY – Lisod mapalagpot sa puwesto si Vice Pres Sara Duterte kon walay kuntrol si Pres Bongbong Marcos sa senado.
Kini bisan kon makakuha’g igong mga basehan sa pasangil ang kamarabaha nga magsilbing prosecutor batok sa bise-presidentee.
Miingon ang kanhi kongresista sa unang distrito sa Misamis Oriental nga si former City Mayor Oscar Moreno nga pipila lang ka buok ang mga senador ni Marcos sa kasamtangang liderato sa senado.
Kini tungod kay mas daghan sa mga senador ang pabiling loyal ug supporters pa gihapon sa mga Duterte.
Sa 24 ka senador,angayang makuha ang 16 kanila nga mo-konbikto kang VP Sara sa impeachment complaint aron mapapha sa hingpit sa katungdanan.
Hisayrang posibleng magsugod ang impeachment trial proper batok VP Sara sa Enero ug hayan sa Agosto,makahukom na ang senado niini.
