Paglikay sa tinud-anay nga isyu ang gipanulti ni Vice Pres Sara Duterte nga unod sa gilugwa niya nga video nga direktang mi-atake sa kredebilidad sa kamarabaha.
Miingon si House appropriations panel chairman Elizaldy Co nga dili angay molikay si VP Sara kay trabaho sa mga kongresista ang pagpangutana kon unsay gamitan sa binilyong pondo nga pangayuon sa Office of the Vice President.
Nanganti si Co nga kuhaan ang pondo nga gipangayo sa OVP ug ibalhin sa mga ahensiya nga dunay klaro nga serbisyo nga mahatag ngadto sa katawhan.
Sa matag-lingkod ni Duterte sa komitiba nga nagdungog sa OVP budget, kanunay ihandos batok kaniya ang P125 million intelligence ug confidential funds kon giunsa kini’g gasto sulod sa 11 lang ka adlaw.
Namugos ang mga pro-administration lawmakers nga trabaho sa kamara ang pagsiguro nga magasto sa ensakto ang pondo apan alang sa publiko tataw nga pamulitika ug pag-ipit sa mga Duterte ang ilang gipanghimo.
