Gikasubo ni Wilson Amad, usa ka cathetist ang dugay nga waiting list sa mga kabos aron maka-avail sa psychiatric health care program sa House of Hope Foundation Inc. ning siyudad.
Sumala ni Amad, kasagaran sa naa sa waiting list kay mga kabus nga halos magpakilooy na aron lang masulod ang ilang mga tagtungod ug makuha ang ilang gikinahanglan nga mental ug psychological support.
Giingon niya nga ang hinay sa operasyon sa pasilidad tungod sa repair sa building maoy rason nga dili pa kini maka-accommodate og daghan.
Naghinaot si Amad nga makapahimutang ang siyudad og dugang nga pasilidad alang sa mga mentally challenged aron matagan sila og insaktong pagtagad.
Para niya, kini usa ka indikasyon nga pipila ka sektor sa katilingban wala hatagi sa tukmang pagtagad sa national government, ug mas giuna pa ang pagpangawat og pagpamulsa sa pondo kaysa sa pagtabang sa mga kabos pinaagi sa dugang serbisyo ug programa.
