CAGAYAN DE ORO CITY – Nagkagubot ang pipila ka residente gumikan sa giingong ‘wak-wak’ nga misulay pagpangatake sa babayeng mabdos diha sa Brgy Consolacion ning syudad sa miaging gabii.
Kini human nasuta nga usa diay ka babayeng grasa ang maong unang gitoohan nga wak-wak nga nagsuroy-suroy sa pipila ka balay diha sa maong brgy.
Namahayag si Police Chief Master Sgt Elmer Akut sa Macabalan Police Station nga kahadlukan usab ang postora sa maong babaye nga gitago lamang sa pangalang ‘Inday gumikan sa tag-as nga buhok niini ug siga ang mga mata niini.
Giklaro ni Akut nga dili tinood ang unang mikatag nga report nga usa kini ka balbal.
