CAGAYAN DE ORO CITY- Nangayo’g tabang ug wala mang-hostage ang kanhi church choir member sa usa ka pari sulod sa kumbento sa San Isidro Labrador Church sa Poblacion,Naawan,Misamis Oriental kagahapong adlawa.
Mismo si Fr Roniedon Valmoria kinsa kura paroko sa maong parokya ang nagmatood niini sukwahi sa unang pahayag ni Naawan Police Station commander Sr/Insp Jay Francis Estigoy.
Gibutyag ni Fr Valmoria nga nakadagan ang suspek nga si Loverton Ruedas, 40 anyos ug kanhi chuch choir member aron mangayo’g tabang.
Una niini, mismo usab si Msgr Elmer Abacahin ang nagmatood nga walay hostage taking batok sa pari ang nahitabo.
Samtang kasuhan gipapon sa kapolisan ang suspek nga si Loverton Ruedas nga giingong nakig-pinusilay sa mga pulis sa Naawan Police Station sa maong lungsod sa kagahapong adlawa.
Kini bisan nga gimatud-an ni Valmoria nga wala siya gi-hostage sa suspek nga si Loverton Ruedas sulod sa kumbento sa maong lungsod.
Gibutyag ni Misamis Oriental Provincial Police Office Director Sr Supt Rolando Destura nga posibleng maigo kini sa kasong illegal posession of firearms tungod sa pagdala’g armas niini nga kulang sa papeles.
