Tungod kay wala pa gipirmahan ni President Ferdinand Marcos Jr. ang balaod sa pag-oktaba ug paglugway sa termino sa mga opisyal, abrihan na karong Lunes ang pagdawat sa Certificate of Candidacy o COC alang sa mga gustong magpapili.
Nagpasidaan usab si Comelec Region 10 Director Renato Magbutay, sa mga kandidato nga maniguro ug dili na maghulat sa postponement aron dili makalapas sa eskedyul gikan September 28 hangtod October 5 alang sa piniliay karong November 2, 2026.
Gitin-aw ni Magbutay nga samtang wala pa napirmahan ang postponement sa Malacañang, magpabilin nga gipatuman ang tanang opisyal nga petsa ug lagda sa komisyon.
Dugang pa niya, mas maayong magsumite na sa ilang mga papel ang mga kasamtangang opisyal ug bag-ong aspirants tungod kay wala man kini daot nga epekto kon madayon man o dili ang piliay.
