CAGAYAN DE ORO CITY -Nakatilaw sa grabeng batikos ang mga magbabalaod nga naglangkob bicameral committee nga maoy nagpasar sa sobra 6 trillion pesos nga 2025 national budget sa nasud.
Kini human wala hatagi’g subsidy funds ang Philhealth nga magamit unta sa indigent individuals sa ilang panginahanglan sa panglawas.
Miingon si kanhi Executive Secretary Vic Rodriguez nga nagpakita kini kon unsa kay walay pagbati sa katawhang kabus ang liderato ni Pres Bongbong Marcos.
Una niini,wala pondohi sa mga senador ug mga kongresista ang Philhealth subsidy kay alang kanila adunay 600 billion pesos nga savings ang ahensiya nga magamit sa sunod tuig.
Samtang dili angayang mabalaka ang mga miembro sa Philhealth nga wala hatagi’g pondo sa natl govt ang subsidy program sa ahensiya.
Miingon si Philhealth 10 public affairs head Merlyn Ybanez nga dili pa pinal ang maong lakang kay moagi pa kini sa buhatan sa president sa nasud.
Siya miingon nga makalihok gihapon ang ilang buhatan kay lahi ang pondo nga gihisgutan sa subsidiya.
Dugang niini nga adunay balaod pa gihapon nga mag-protehir sa katawhan kon tinud-od nga walay ihatag nga subsidy funds sa Philhealth sunod tuig.
