Gitin-aw sa Land Transportation Franchising and Regulatory Board (LTFRB) 10 Regional Director Aljo Bendijo nga ang provincial busses lamang ang gihatagan sa go signal nga mupatuman sa provisional fake hike.
Sa pakighinabi sa BOMBO RADYO, miingon si Bendijo nga wala pay gimando nga pagpasaka sa singil sa pletehan sa modernized jeep, taxi, ug uban pang pampublikong depamsahero nga sakyanan.
Gitin-aw ni Bendijo nga mahimong e-report sa sumasakay ang mga driver nga naghinobra ang singil aron makasuhan ug taas ang tsansa nga nakuhaan sa lisensya ang driver ug prangkisa.
Gawas niini, iyang gi-abisohan ang mga drivers ug operators nga maghulat sa dyutay nalang nga panahon nga mapagawas na ang P2.5-Bilyon nga fuel subsidy.
Siya miingon nga kini nga subsidiya adunay makadawat sa tag P10,000; P5,000 ug P4,500 pinaagi sa electronic transfer.
Gibutyag ni Bendijo nga ang subsidiya mahimo gamiton sa pagpalit sa gasolina, diesel ug pagkaon.
