Gipadayag ni Atty. Antonio Soriano, ang convenor sa Convenor sa Citizens’ Watch for Good Governance, nga sa ika-unom nga adlaw sa pagtuki sa impeachment complaint, wala pay klarong agianan aron matumbok ang tulubagon ni Vice President Sara Duterte labot sa ikaupat nga artikulo sa maong reklamo.
Matod pa ni Soriano, bisan pa sa mga ebidensya nga gipresentar sa prosekusyon, nagpabiling kulang ang proseso tungod kay wala pay higayon ang Bise Presidente nga tubagon o i-refute ang tanang mga akusasyon batok kaniya.
Dugang pa niya, gikinahanglan gayod nga mopakita ang Bise Presidente aron matino ang dagan sa maong kaso tungod kay siya ang mismong nalambigit sa giingong mga sulti niini.
Tungod niini, nagtuo ang maong abogado nga dili pa gayod klaro kon duna ba gyuy lig-ong basehan ang maong mga pasangil samtang nagpadayon ang dagan sa pagdungog.
