Gipahibalo sa Cagayan de Oro City Police Office o COCPO pinaagi ni spokesperson PMAJ Emilita Simon nga wala pa’y pinal nga desisyon kung ipatuman ba ang signal shutdown alang sa mga natala nga aktibidad sa pista.
Gitin-aw sa opisyal sa iyang interbyu sa Bombo Radyo nga bisan pa man nag-request sila alang niini, nakita gihapon sa kapolisan nga nagpabiling epektibo ang ilang security plan sa mga nahuman nga kalihokan bisan nga walay pagpalong sa signal.
Subay niini, padayon ang ilang pakig-alayon sa ubang law enforcement agencies ug pagpahigayon og intelligence gathering aron makita kung gikinahanglan ba gyud ang pag-interrupt sa komunikasyon.
Apan taliwala sa pagmalampuson sa mga nag-unang aktibidad sukad pa sa Agosto uno, padayon gihapon ang hangyo sa kapolisan sa publiko nga mosunod sa mga giya aron magpabiling malinawon ang tibuok selebrasyon
