Dili pa ipabalik ni City Mayor Rolando Klarex Uy ang pagtungha sa tanan lebel sa klase sa pampublikong tunghaan ilabina sa elementarya ug sekundarya.
Nunot kini sa pagtay-og sa Intensity 4 niadtong Oktobre 10, ug nasundan sa laing pagtay-og sa pagkagabie sa Oktobre 11.
Mipasabot ang mayor nga ang iyang Executive Order, kinahanglan makadawat sa sertipikasyon gikan sa Office of the Building Officials (OBO) ug City Engineering Department, ayha mag-resume ang klase.
Namahayag si Uy nga ang kaluwasan sa mga estudyante ug magtutudlo maoy prayoridad sa syudad.
Una niini, nakabalik na sa pagtrabaho ang tanan personnel sa City Hall human gisertipikahan sa OBO nga luwas sa kadaut ang gambalay sa Opisina sa Mayor.
