Walay mahimong palusot ang tanan respondents sa kaso nga gipasaka ni Atty Mans Carpio sa komitiba ni Kongresista Gerville Luistro, kadagkuan sa Bangko Sentral ng Pilipinas (BSP), ug sa Anti- Money Laundering Council (AMLC).
Kini ang tubag ni Atty Neil Abayon, ang spokesperson sa legal team ni Atty Mans Carpio.
Miingon si Abayon nga bisan e-invoke pa nila ang bank secrecy law, mas hagit gihapon ang balaod sa gi amendaran nga Anti Money Laudering Act 2001.
Namugos ang depensa ni Carpio nga tolo ka balaod ang ilang gisandigan ug kini ang magsilbing lig-on pader aron maleksyon sila sa ilang gihimong kalapasan sa balaod ug pagpahungaw sa impormasyon sa usa ka pribadong tawo.
Gitin-aw usab ni Abayon nga dili mahimong ipahungaw ang mga bank records sa usa ka impeachable officials sa kamarabaha sama sa nahitabo sa Corona Impeachement.
Gawas niini, dili impeachable official ang ilang gidalahig sama ni Atty Mans Carpio.
Subli nagpadumdum ang mga abogado ni Carpio nga walay court power ang mga anaa sa kamarabaha, aron ipakita sa publiko ang bank records sa magtiayon, ilabe na nga anaa sa initiation stage pa ang impeachment complaints sa Bise President.
