Walay de facto o silent Martial Law nga gakahitabo sa Pilipinas. Katin-awan kini constitution expert Atty Proculo Sarmen, batok sa pahayag sa pipila ka human rights groups ug sa labing lab-as nga pronouncement ni Congressman Leandro Leviste.
Sa pakighinabi sa Bombo Radyo, mitin-aw si Atty Sarmen nga kinahanglan adunay grounds o basehan sa pagpatuman niini, ug kinahanglan mabati ang mga musunod.
Una, ang militar na ang gahawid sa kagamhanan sa Pilipinas.
Ikaduha, mapatuman kini pinaagi sa deklarasyon sa Presidente tungod sa presensya sa rebelyon.
Ikatulo, kung ang kahimtang naghulga sa public safety ug dili na makontrol sa ordinaryong seguridad nga ihatag sa kapulisan, kini nagpasabot nga pwede mapatuman ang “Batas Militar”.
Ika-upat, kinahanglan nga ang deklarasyon limitado lang sa 60 ka adlaw.
Ikalima ang Supreme Court mahimong mosusi sa kung supisyente ba ang mga basehan sa deklarasyon sa presidente aron masiguro ang kini legal ug makatarunganon.
Kini ang rason nga gi-imbalido ni Atty Sarmen ang opinyon sa batan-ong konrgesista sa “defacto” o “silent martial law” sa nasud ubos sa administrasyon ni Presidente Ferdinand Marcos Jr.
