Walay basihan sa mga akusasyong adunay pagkalangan sa impeachment hearing ni Vice President Sara Duterte. Katin-awan kini ni Atty. Reginald Tongol, ang tigpamaba sa Senate Impeachment Court, human sila nagpatawag sa prescon.
Mipasabot si Atty Tongol nga padayon ang proseso sa impeachment ni VP Duterte ug wala gituyo nga mga “delays”.
Gi-insister sa tigpamaba nga “on-time” sila sa ilang mga lakang, ug ang mga kalangan nga gi-ingon sa ubang partido walay igong basihanan.
Sa maong pulong gi-representar ni Tongol ang 11-ka lakang nga proseso sa impeachment, diin ang unang mga hugna nahuman na.
Siya miingon nga bisan pa wala pa motubag ang kampo ni VP Sara sa summons, magpadayon gihapon ang proseso ug ang prosecution panel magpresentar gihapon og ebidensya.
Gitataw ni Tongol nga dili ang impeachment court ang kaaway sa prosecution, ug mas angay nga ilang tutukan ang preparasyon batok sa depensa kaysa sa mudagmal sa mga senador nga maoy magsilbing senator judges.
