Walay gipili nga tunghaan ang mga school shooting incidents sa nasod kon adunay pabaya ug iresponsableng ginikanan nga adunay mga panagiyang pusil.
Mao kini ang gipahayag ni Andre Josol, ang chairman sa Liberal Youth Northern Mindanao, diin gipasabot niya nga kadaghanan sa mga suspek sa pagpamusil sama sa nahitabo sa Zamboanga ug South Cotabato kay mga bata nga dali ra kaayong nakakuha sa armas sa ilang panimalay.
Gidugang sa opisyal nga misamot pa ang peligro sa mga estudyante tungod sa report sa COA nga nagpakita nga 39% lang sa mga eskwelahan ang adunay CCTV ug security guard.
Tungod niini, nanawagan si Josol sa mga ginikanan nga magmatngon ug itago og tarong ang ilang mga armas aron dili na makakalas pa og kinabuhi sa mga inosenteng kabatan-onan.
