There’s no threat to speak about! Kini ang lig-on nga baruganan ni Atty. Raymond Batu, ang legal counsel sa DDS Sara All Confederation, kalabot sa mga alegasyon nga giatubang ni Bise Presidente Sara Duterte.
Gipatin-aw sa abogado nga ang pamahayag sa Bise Presidente usa lamang ka matang sa panultihon nga nagpasabot nga kon unsa ang buhaton ngadto kaniya, mao usab ang iyang ibalos, busa walay angay kabalak-an.
Hinuon, gipunto ni Atty. Batu nga ang pag-konekta sa maong pahayag ngadto sa inciting to sedition usa lamang ka bunga sa imahinasyon ug dili angay itumbas sa bisan unsang seryosong hulga.
Sa katapusan, iyang gipasabot nga tungod kay wala man kini tuyo nga makadaot sa bisan kinsa, klaro nga walay basehanan ang maong mga pasangil.
