Walay ipatuman nga signal jamming sa mga telecommunication lines sa tibook lungsod sa Cagayan de Oro, ning adlawa. Kini ang gitin-aw ni CIO Chief Jade Adecer sa Bombo Radyo. Miingon si Adecer nga adunay SIGNAL INTERRUPTION sa piniling lugar ug piniling oras sa pusuran nga bahin sa syudad, ilabe na sa mga dalan nga agi-an sa traslaccion. Una nang mitin-aw ang CdeO-LGU nga dili nila gusto nga mabalinada ug nadistorbo ang daghang nga establishemento tungod sa isyu sa signal jamming. Ang signal interruption, ingon ni Aceder maoy usa ka paagi sa kapulisan ug National Telecommunication Commission (NTC) nga makontrolar ang signal sa komonikasyon sa istratehikong lugar aron maseguro nga luwas ang ipatuman nga aktibidad.
Dugtong niini, nanawagan si ADECER sa tanan deboto, mga turista ug mga batan-on nga gustong mutambong sa misa ug traslaccion nga likayan ang pagkalo, pagdala sa dagkung bag kay sigurado kining sitahon sa mga kapulisan. Gawas niini, iyang gi-awhag ang mga masakiton ug katigulangan nga likayan una ang pagsagol sa baga nga panon, aron dili mabutang sa risgo ang kahimtang sa ilang panglawas.
