Walay kalipay nga gibati ang mga magtutudlo sa pagbalik sa pagsaulog sa National Teachers’ Month tungod sa nagpadayon nga kabug-at sa ilang trabaho sa eskwelahan.
Sumala sa coordinator sa Alliance of Concerned Teachers Northern Mindanao nga si Roland Cruz, imbes nga makapahulay ang mga magtutudlo gikan Setyembre 5 hangtod Oktubre 5, naglibog na hinuon sila sa kadaghan sa mga gidungan nga gimbuhaton sama sa pag-compute sa grado ug pag-atender sa mga seminar.
Dugang pa sa opisyal, dili matabonan sa mga papremyo ug raffle draw sa DEPED ang kasuko sa mga magtutudlo tungod sa nagpabilin nga kulang nga benepisyo ug gamay nga suholan.
Tungod niini, nagpabilin ang panawagan sa grupo sa gobyerno nga hatagan og tinuod nga pagtagad ang ilang sitwasyon aron mapakita ang tinuod nga pagpakabana sa ilang sektor.-
