Giklaro sa abogado ug tigpamaba ni kanhi House Speaker Martin Romualdez nga wala pa’y kaso nga gisang-at batok sa magbabalaod kalabot sa mga report sa reklamo.
Matod ni Atty. Ade Fajardo, ang migawas sa report nagtumong lamang sa pag-andam sa reklamo ug wala pa kini pormal nga gipasa sa Office of the Ombudsman.
Sumala ni Fajardo nga sa pagkakaron wala pa’y nasuta nga ‘probable cause’ ug wala pa’y desisyon o katungdanan nga gipahamtang batok sa kanhi Speaker.
Gipasiugda ni Fajardo nga ilang girespeto ang proseso sa Ombudsman ug andam silang makigtambayayong kon adunay pormal nga imbestigasyon. (by Phillip Ariata)
