Walay tawo o kawatan sa gobyerno nga magbutang sa SALN sa mga kwarta nga naggikan sa kawat ug ilegal nga pamaagi, kini ang pagpasabot ni Daniel Nobleza sa Inday Sara Movement Philippines subay sa mga pasangil batok kang Vice President Sara Duterte.
Tungod niini, gibarugan sa mga DDS nga dili korap ang Bise Presidente ug ang bana niini nga si Atty. Mans Carpio samtang gipahimuslan lang sa mga kaaway sa pulitika ang bank secrecy aron gub-on ang ngalan sa Bise Presidente.
Gumikan niini, gitin-aw sa grupo nga limpyo ug sakto ang pagdeklarar sa Bise Presidente sa mga bahandi nga naggikan sa kaugalingong negosyo ug trabaho sa wala pa man kini musulpot sa serbisyo publiko.
Gidugang pa sa opisyal nga ang syudad sa Davao ang buhing saksi sa kaayo ug kaputli sa pagserbisyo sa Bise Presidente alang sa mga tawo.-
