CAGAYAN DE ORO CITY – Gitin-aw ni Dr. David Mendoza, epidemiologist ug assistant regional Director sa DoH-10 nga wala pay “local transmission” sa sakit ng Corona Virus Disease kon COVID-19 dinhi sa syudad ug sa tibook Pilipinas.
Gihimo ni Dr. Mendoza ang katin-awa human nagbaha na ang mga fake news nga dunay pinoy nga naigo ug nagpositibo sa maong sakit.
Namahayag si Mendoza nga pulos mga foreigner ang tolo ka mga nagpositibo sa COVID-19 nga atua nagpahiling sa San Lazaro Hospital sa kauluhan.
Gawas niini, gi-awhag ni Mendoza ang publiko nga batason ang pagpanglimpyo sa lawas, sa kamot, pagsampong sa baba ug ilong kung dunay mu-ubo.
Iya sab gitin-aw nga dili airborne ang bayrus sa COVID-19 apan “aerosol like” kon mapalid sa hangin ang bayrus ug posibleng mutapot sa lawas sa tawo sulod sa duha ka metros gikan sa point of origin o sa tawong infected sa bayrus.
