CAGAYAN DE ORO CITY – Walay makahulip sa peace talks kung hisgutang ang tinud-anay nga pagpatuman sa kahusay ug kalinaw sa nasud.
Tipik kini sa gilakmitan ni Police Regional Office o PRO 10 spokesperson Police Lt. Col. Mardi Hortillosa sa pakighinabi sa Bombo Radyo.
Namahayag si Hortillosa nga trabaho sa gobyerno nga mupanday sa balaod ug mga pamaagi aron makutay ang linya sa mga rebeldeng komonista.
Apan nakita sab sa mga otoridad nga dili sensiro ang rebeldeng New Peoples Army sa ilang laraw nga makab-ot ang kalinaw ilabina dinhi sa Mindanao ug sa Kabisay-an.
Usa sa gipananglitan ni Hortillosa ang pag-ambush sa NPA sa usa ka pulis ug pagkadamay sa mga sibilyan didto sa Samar sa milabay’ng adlaw.
