CAGAYAN DE ORO CITY – Gitataw sa Department of Agriculture nga walay rason nga ipasaka ang presyo sa bugas bisan pa sa kadaot nga gibilin sa Super Typhoon Carina ug Habagat sa sektor sa agrikultura.
Gibutyag ni Agriculture Secretary Arnel de Mesa nga maayo ang ani sa panahon sa ting-init.
Busa, adunay igo nga ani sa humay sa nasud, ug taas usab ang importasyon.
Base sa data sa DA-Bantay Price niadtong Hulyo 23, ang presyo sa local regular-milled rice sa Metro Manila anaa sa P45 ngadto sa P50 matag kilo, ug P45 ngadto sa P55 matag kilo sa well-milled rice.
Samtang ang imported nga regular-milled nga bugas, nagkantidad sa P46 ngadto sa P52 matag kilo ug P51 ngadto sa P53 matag kilo alang sa imported nga well-milled nga bugas.
Miingon ang kalihim nga anaa na sa 2.4 milyones metriko tonelada ang kasamtangang kantidad sa imported nga bugas.
Base sa Philippine Statistics Authority, niadtong Hunyo 1, ang imbentaryo sa bugas sa nasud gibanabana sa 2.16-Milyon metriko-tonelada.
Gipasalig sa DA ang paghatud sa dugang tabang ayuda alang sa kapin 9,000 ka mga mag-uuma ug mangingisda human misangpot sa P203.38M ang kadaot sa sektor sa imprastraktura.
