Kini ang gitin-aw ni Fr Jefferson Palasan, sa Promotion of Church People’s Response – Northern Mindanao Region. Miingon si Palasan nga sukwahi na ang lihok sa taga Israel nga kaliwat unta ni Jesus.
Mipasabot si Palasan nga si Jesus maoy simbolo sa kalinaw ug wala sa iyang ugat ang makig-giyera, sukwahi sa buhat karon sa gobyerno sa Israel.
Una niini, gikondinar sa ilang simbahan ang opensiba nga gihimo sa Amerika ug Israel sa Iran ngadto sa ubang bahin sa kalibutan kay ang epekto niini, nabati sa tanan kabus nga nasud sama sa pagmahal sa presyo sa lana, kay gikontrolar sa Iran ang Strait of Hormuz.-
