CAGAYAN DE ORO CITY , Philippines – Gikompirmar ni Presidente Ferdinand Marcos, Jr., nga walay pagkambiyo sa mga piniriso ang nahitabo dihang gi-etradite ang pugante nga si kanhi Bamban Taclac Mayor Alice Guo, didto sa Indonesia.
Mi-angkon ang presidente nga sobra ka sensitibo ug dili ti-aw ang gihimong 48 oras nga negosasyon tali sa gobyerno ni Indonesia President Joko Widodo aron madeport si Guo.
Mapasalamaton si Marcos nga milampos ang negotiating team sa Pilipinas ug walay nahimong babag aron arestuhon ang natangtang nga mayor.
Una niini, mihungaw ang report nga mihatag sa kondisyon ang kapulisan sa Jakarta kundiin, ikibali kang Guo, kinahanglan ihatag sa nasud ang notorious ug cross border drug trafficker nga si Gregor Haas nga unang nadakpan dinhi sa Pilipinas niadtong Mayo.
Wanted si Haas sa Indoesia tungod gihapon sa kasong pagpayuhot sa drugang shabu.
