Giklaro sa August Twenty-One Movement pinaagi ni Volt Bohol nga walay gitawag nga “Uni-Yellow” o tactical alliance tali sa ilang grupo ug sa administrasyon ni Pres. Ferdinand Marcos Jr.Ang pahayag gisunod sa nagkalat nga komento sa social media human makita si Kris Aquino sa usa ka okasyon sa Malacañang.
Matud ni Bohol, ang ilang statement dili direktang reaksyon sa maong litrato kondili aron klarohon ang baruganan sa ATOM tungod sa nagkalat nga espekulasyon online.
Gipasabot niya nga ang “yellow” nga gihuptan sa ATOM mas nagpasabot sa diwa sa pre-EDSA movement nga may kalabotan sa pakigbisog sa panahon ni Benigno ‘Ninoy’ Aquino Jr. ug sa People Power Revolution.
Busa, giingon ni Bohol nga walay plano ang ilang organisasyon nga makighiusa o makipag-alyansa sa bisan unsang kampo sa kasamtangang administrasyon. (by James Oliver)
