Nagsubo ang pipila ka relihiyosong kristiano nga naka-base sa nasud sa Jordan sa pagtamod sa Semana Santa. Kini ang gibutyag ni Ella Mae Galvez, Bombo International News Correspondent sa nasud sa Jordan.
Namahayag si Galvez nga walay ipahigayon nga tinuig ug tradisyonal nga Visita iglesia, ning tuiga, gumikan sa nagpadayong tensyon sa Gulf Region. Segun kini sa impormasyon nga gi-abiso kanila ni Catholic Filipino Priest – Reverend Father Gerald Metal.
Ingon si Galvez nga si Fr Metal lamang ang nag-inusarang pinoy chaplain sa Simbahang Katolika sa Filipino migrant community sa maong nasud.
Hinoon, gawas sa ipahigayon nga regular nga misa sa Huwebes hangtud adlaw sa pagkabanhaw, adunay ipahigayon nga recollection ang mga madre sa ilang diocese.
Pinaagi sa recollection mahatagan sa kahigayonan ang mga Overseas Filipino Workers (OFWS) ug pinoy migrants nga maghi-usa sa ilang pagpanamin, ug paghinuklog inabagan sa mga missionary sisters.
