CAGAYAN DE ORO CITY-Naghiusa nga mitambong ang mga Kristiyano,Muslim ug lumad ingon man ang ubang sektor sa ‘walk for peace’ sugod sa Rodelsa Circle padulong sa kapitol grounds ning syudad.
Kini alayon sa Mindanao Week of Peace celebration karong adlawa.
Miingon si Msgr Elmer Abacahin,presidente sa Cagayan de Oro Press Club o COPC nga kuyog usab nila ang mga siminarista,mga otoridad,mga parokyano ug mga tinun-an aron ikampanya ang ka importante sa kahusay’g kalinaw sa Mindanao.
Giklaro ni Abacahin nga wala kalabutan sa politika ang kalihukan hinungdang gidid-an nila ang mga politiko sa pagtambong niini.
